Малады беларускі гурт зь Менску, заснаваны ў 2007 годзе. Грае акустычную музыку ў кірунках ад фольк-року да клясыкі. Музыкантамі выкарыстоўваюцца жывыя інструмэнты: акустычная гітара (Малафей Аляксандр – сола, Ваданосава Кацярына – рытм), віяланчэль (Тамкевіч Андрэй), тамбак (Крывашэйцава Кацярына), вакал, блёк-флейта, тамбурын, акарына, варган, дуда і іншыя. Рэпэртуар гурта складаецца як зь песенных, так і інструмэнтальных кампазыцый. Аўтарам песеннага матэрыялу (словаў і музыкі) зьяўляецца Кацярына Ваданосава.